Vistas de página en total

jueves, 22 de agosto de 2013

Cousiñas para a escola

Teño o labor abandonadísimo... seino e disgústame, porque comezaba a atoparlle o gusto a facer cousiñas chulas bymyself.
Agora ando a ver se lles coso algo chulo aos mandilóns para o cole das nenas. Teño a idea, a ver se lles gusta a elas, porque ultimamente teñen algo de carraxe co tema dos lobos, que nos contos sempre lles cadra o peor papel.
A miña idea era facer unha carapuchiña xeitosiña e moderna nun dos petos e o lobo con cariña de bo e carrexando o cestiño no outro.
O debuxo desta vez vouno facer eu, guiándome por outros, loxicamente, pero en fin... que a miña cutre habelencia debuxando é coñecida, pero é que se non me poño, non lle dou para diante ao tema nunca.
En canto vaia poñendo mans na obra deixo fotiños... espero non deixar os mandilóns como para que haxa que mercar outros de urxencia.

Deixo as fotiños de como van quedando. Carmela aceptou a Carapuchiña e ao lobo, pero Icía só quería bicherío: ovellas, coellos, cans, gatos... esta nena necesita unha boa dose de rural. Velaí quedan, aínda sen rematar, pero xa con boa forma.


Detalle do lobo e da Carapuchiña

miércoles, 12 de junio de 2013

GALLETASSS!!!

Sei que dixen que nunca poría aquí nin receitas nin trucos de limpeza, pero mira, como mando eu, desdígome e punto.
É que ultimamente facemos na casa unhas galletas que son para morrer. Descubrinas grazas ás irmás Vilasó, e aínda que a miña receita vai ao pé da letra e está moi lonxe das súas exquisiteces (ben presentadas, inda por riba), recomendo encarecidamente que vos animedes a facela.
Non dan moito traballo, o resultado é excepcional e riquísimo e afórrase comer tanto conservante como levan as industriais.
Poño as ligazóns das receitas e un par de fotiños das miñas. Pero mellor fiádevos das fotiños das verdadeiras autoras, que son máis fieis á realidade.
Aquí unhas de chocolate
http://cachiodoce.blogspot.com.es/2012/10/galletas-branco-e-negro.html
Aquí unhas de noz
http://www.biscayenne.com/2012/12/galletas-de-nuez-el-summum.html
Aquí unhas cookies (estas fíxenas con chocolate branco e están para lamber os dedos):
http://www.unodedos.com/recetario-de-cocina/receta-de-cookies-americanas-como-hacer-galletas-con-chips-de-chocolate-sorteo/

Infinitísimas grazas ás autoras dos blogs por compartiren co resto dos mortais a súa sabedoría.


Nunha caixiña xa listas

Acabadiñas de saír do forno

sábado, 18 de mayo de 2013

Dúas bonecas máis

Estas dúas bonecas levan dous vestidos iguais ca uns que teñen en realidade as miñas fillas. A tea viviu un periplo longo, veu como regalo da avoa, mercada nunha feira en Portugal. Despois fixéronse os dous vestidos para o verán e sobrou un anaco enorme de tea de cada cor.
Así que decidín vestir as bonecas con esa tea e a verdade é que lles fixo bastante graza o tema. A idea era adornarlle as coletas ás bonecas, pero ao final deixeinas quedar así, porque lávanse tanto que enseguida se estragan. Velaí as bonecas.
As dúas preparadas sen coser nin bordar aínda

A boneca do vestido vermello lista

As dúas rematadas!!!!!

Dúas Hello Kitty

A min persoalmente as Hello Kitty arrepíanme bastante. Todo ese merchandaising que lles venden por todos os cornechos aos pequenos non me gusta nada. Os valores que levan canda si son bastante ridículos, sexistas e un longo etcétera. Á parte do fomento do consumismo exacerbado e do carísimo que é inda que non se corresponda coa calidade.
Pois ben, cunha camiseta de euro e medio e outra de dous euros, saquei de por aí unha ilustración das Kittys en traxe de baño, que polo menos é graciosa e cosinas o mellor que puiden.
Nunha falta un lado dos bigotes, esta tarde agardo rematala. Cosinlle un laciño que lle dá unha graza ao asunto, ou iso creo... Poño algunhas fotiños para que se vexa o antes e o despois.
A medio coser

A medio coser

Unha rematada

Unha case rematada, faltan os bigotes

As dúas Kittys de falsete, por 3,5 euros máis horas de traballo :D

miércoles, 24 de abril de 2013

Unhas bonequiñas en traxe de baño

Xa chega o bo tempo, e teño pendentes unhas Kitty en traxe de baño e unhas raparigas cuns vestidiños dunha tea igual ca uns vestidiños reais das nenas...
Pero a min o que me gusta son estas bonecas en traxe de baño, cunhas camisetas do Primark de 2 euros e unhas teas chulas cedidas por Imma velaí as raparigas.
Nos chichos púxenlles uns lazos con botón que aquí non se aprecian. Colgarei unhas fotiños para que se vexan con máis detalle.
Aquí está o howwasmade ou como se diga!!!
 
Sen pespuntes

Sen pespuntes

O traballo a medio facer
O traxe de baño de puntos

O traxe de baño de flores
As dúas bonecas

E hoxe xa nos entrou ganiña de verán, así que pantalóns curtos e camisetas chuli-chulis!!!!

Doraemon

Teño unha morea de labores comezados e non dou rematado ningún. Este Doraemon cosino para o meu afillado para regalarllo na Pascua.
Fíxeno aproveitando as teas dunha camiseta vella e dun bodi de bebé, para que toda quedase de algodón, pero foime bastante difícil de coser, algodón sobre algodón e a agulla non corre ben.
Ademais, ten un pequeno fallo na disposición, e Doraemon en vez de barriga parece que leva chuvasqueiro :D.
Púxenlle un axóuxere de verdade colgando, así parece máis gato cósmico.
 
Dous gatos cósmicos preparados

Doraemon en riscas

Doraemon sentadiño
Doraemon ten un peto máxico

É o gato do espazo que chegou aquí

lunes, 25 de febrero de 2013

A coelliña e o moucho xa viven nas camisetas

Velaquí vos deixo o resultado final das camisetas da coelliña e do moucho. Os ollos do moucho con dous botóns dourados encántanme.
O moucho colorido

Coelliña


A coelliña de vestido de peixes
O moucho revirado

jueves, 7 de febrero de 2013

Novas camisetas

Desta volta vou coser unhas camisetas para unha nena á que lle gustan todos os animais, sen discriminación, desde vacas, cans, gatos, coellos e cobaias a arañas, formigas e saltóns.
O moucho encántame como becho e a coella facémolo máis de conto e menos de verdade. Espero que non lle disguste que non faga algo realista :D

Parece que poden quedar chulas, non é?

viernes, 1 de febrero de 2013

Chuliseta!!!

Máis ou menos será así cando a remate de todo.
Hoxe comecei a facer unha camisetiña para miña irmá. Co vivo que mercara na feira, un anaquiño de tea mais o bonequiño este fixen unha composición chula. Agora falta o principal, pespuntear, buscarlle un laciño ao xeito para abaixo e a ver que máis trangalladas se me ocorre para lle colgar.
Pespunteeina que se vise porque a min gústame así, aínda que sei que en realidade queda máis finiño se as puntadas non se ven. Na seguinte fágoo así.


Chuliseta rematada

A próxima cósoa máis fina...

jueves, 31 de enero de 2013

Cadro con fotos e pintura

Despois da primeira man con pintura de dedos, peguei as fotos con transfer e, unha vez feito, as nenas colleron as acuarelas e comezaron a pintarse a elas mesmas. Pintáronse tanto, tanto, tanto, tanto... que ao final todo parece un vurullo de cores, auga correndo e esborranchado a conciencia.
Aínda con todo, quedou chuli, chuli, chuli.
Encántame. Aí o deixo, para quen queira usar a idea! Outra maneira de poñer imaxes é facer a pintura e despois poñer as fotos impresas en papel fino e darlle por riba con cola de carpinteiro. Iso si, non sei a durabilidade da artistada, se cadra ponse fea enseguida. Non teño nin idea...
Super cadro, só falta enmarcalo e envialo!!!!

miércoles, 30 de enero de 2013

Máis de transfer

A madriña vai estar de cumpre, así que a miña cabeza pensante pensou en facerlle un regalo persoal. Como vive na city e alí todo é moi cosmopolita, pensamos producir arte caseira.
Así que as nenas fixeron a súa primeira achega pintando con pintura de dedos o fondo inicial. Quedou bastante chulo.
Despois eu modifiquei algunha foto e imprimina con transfer. Tratei de pegalas pero foi un pouco complicado porque non me saíu moi ben (non pegaba ben, en realidade).
Pero o resultado por agora está sendo moooooi chulo. Esta tarde quizais pintemos xa por riba e, unha vez que seque, igual lle pasamos un verniz, para que non se estrague co tempo.
Logo diso, enmarcamos e vemos como queda.
Que vos parece? A idea polo menos é chula, non é?
A obra das artistas (pintura de dedos)

As fotos xa impresas co transfer e recortadas

As fotos xa transferidas

sábado, 26 de enero de 2013

Aproveitar pantalóns do inverno para o verán

Non invento nada, todos puxemos un verán ou outro os pantalóns recortados por riba do xeonllo (esfarrapados, ben cosidos, cos fíos sacados, máis curtiños, con adhesivo de acid house...), dependendo da época.
A verdade é que eu intento que outra xente poida aproveitar a roupa que xa non poden usar as miñas pequenas, pero a que lles pode valer para dúas temporadas (verán-inverno) recícloa, recortando aquí, pegando alá, reconvertendo...
O caso é que recorro sempre a profesionais, que para iso están, pero desta volta vouno intentar eu. A idea é aproveitalo e reconvertelo, para o que merquei un vivo na feira o xoves (3 metros 1 euro, teño vivo para envolverlles os pantalóns todos). Primeiro só lle ía recortar por abaixo, pero ao final fíxeno ao revés. Póñovos a idea e cando remate de coselo, poño as fotos.
Como reformar un pantalón sen saber nada de costura.
1. Cortamos o pantalón (ao ser curto pódese medir por abaixo e cortar máis ou menos por onde vexamos, eu fíxeno totalmente ao chou).
2. Cortei unhas tiras do vivo que lle vou coser e, como non sei coser recto, primeiro ganduxeino para situalo.
3. Facemos o mesmo cos petos, dándolle unha alegría tamén.
A ver como queda cando finalmente o repase todo, será máis ou menos un pouco á man, porque non sei facelo doutro xeito. Despois só falta unha camiseta azul marino de algodón para poder facerlle o mesmo e que todo vaia a xogo. Pero iso será outro día, aínda estou esperando o remate final para facerme coas básicas a un euro para ter material para todo o verán.
Velaí van as fotos, por se vos inspira poñermos a reconverter roupa tamén.

Pantalón cortado e co vivo ganduxado

Así é máis ou menos como quero que quede

No peto de atrás poñereille isto
No peto de diante irá tamén algo así

lunes, 14 de enero de 2013

Monstriños rematados

A verdade é que a pesar da combinación imposible de teas aínda quedaron ben xeitosos os monstriños, e non dan medo ningún. Velaquí vos deixo as fotos co resultado final, hoxe xa foron á gardería!
Ti que miras, neno?

Imos para a escola, a ver que se aprende...

viernes, 11 de enero de 2013

Dous monstriños

Aínda tiña dúas camisetas laranxas que axiña quedarán cativas sen usar, así que coas poucas teas que me quedan (as combinacións xa son o non vai máis de xuntar churras con meiriñas e convencerte de que é o máis do máis), tracei uns monstriños simples e rápidos de montar e de coser.
Aquí vos deixo as fotiños. Míranse un ao outro, neste caso terá sentido e vainos valer tamén para o de esquerda-dereita, porque os meus problemas de lateralidade espero non deixalos en herdanza. :D
Esta é a idea inicial

Teas seleccionadas e fiselina recortada

Monstro número 1

Monstros ollándose

Monstro número 2

viernes, 4 de enero de 2013

A familia de porquiños Peppa e George

Xa case rematei, falta pasarlle o ferro para borrar a pintura que sobra e rematar o dinosauro, que non sei como vou facer. Nunca máis farei nada tan pequecho e con tanta reviravolta, porque non cunde nada. Entre ventas do nariz, ollos, rabos, bocas e dinosauros, botei un lote de horas.
Mañá estreámolas!

Neste destaca máis o pespunteado, que contrasta


Nesta nóstase un pouco menos